Kak su wroblik Frido a jeho přećeljo póstnicy swjećili
ilustrował Günter Wongel
Póstnicy so bliža a wroblik Frido a jeho přećeljo so na nje wjesela. Myška Pip-pip budźe rjana princesna a je sej šikwany klejdźik zešiła. Wroblik Frido, žabka Šlapka a jěžik Kałačik dojědu sej do bliskeho dźiwadła po swoje kostimy zmija, ryćerja a kucharja. Štó budźe z nich nětko štó a kak póstnicy prawje woswjeća? Myška ma ideju a zhromadnje zahraja sej hru. Zmij-wroblik rubi princesnu-myšku. Ryćer-žabka wuswobodźi ju z pasli zmija a kuchar-jěžik wobradźi wšěm na kóncu słódnu jědź. Hač drje so wšitko tak zešlachći, kaž maja to přećeljo planowane? Nic cyle. Prjedy hač sej słódne póstniske pampuchi zesłodźeć dadźa, dyrbja swoje mocy pokazać a zo jedyn za druhim steji. Zajimawy to dyrdomdej, hdźež dźe wo přećelstwo.
wot 4 lět
| Sprache | Obersorbisch | |
|---|---|---|
| ISBN | 978-3-7420-2829-7 | |
| Bibliographie |
|
|
| Autoren | Čornakec, Jěwa-Marja; ilustrował Günter Wongel | |
| Veröffentlicht: | 12.11.2024 |
Anmelden
Wroblik Frido
Wroblik Frido a jeho přećeljo
12,90 €*
Zběrka wšitkich dotalnych stawiznow:Kak je wroblik Frido lětać nawuknyłKak je myška Pip-pip płuwać nawuknyłaKak je žabka Šlapka spěšnje skakać nawuknyłaKak je jěžik Kałačik skónčnje spać nawuknyłKak su šwjerče kolesować nawuknyliWot 4 lětŠwjerče Laban, Motyčka, Šnak, Cyplk a Pintlašk chcedźa kolesować nawuknyć. Jako prěnjej zwažitaj so najmłódšej šwjerčaj Cyplk a Pintlašk na koleso, mjeztym zo su tamni třo hišće trochu bojazliwi. Tola byrnjež myšku Pip-pip a jěžika Kałačika poboku měłoj, so při tym tójšto nimokula: Myška je Cyplkej zabyła spinadło pokazać a Pintlašk njeje na swojej křidlešce kedźbował. A to wšo w bliskosći hata! Derje, zo žabka Šlapka njespi. Hač pak při tajkej kekliji woprawdźe wšě pjeć šwjerčow kolesować nawuknje?
Kak su wroblik Frido a jeho přećeljo hody swjećili
6,90 €*
Hody so bliža a tež na zelenej łuce přihotuja a wjesela so přećeljo na rjany swjedźeń. Přez zymu je žabka Šlapka zaso k wroblikej, myšce a jěžikej ćahnyła, zo njeby tak sama była. A dalši hósć je so přizjewił – wopička Ritka z dalokeje Afriki. Zhromadnje chcedźa hody swjećić – z pyšenym hodownym štomikom, wobradźenjom, darikami, chłóšćenkami a horcej šokolodu. Jeničce rumpodich hišće faluje. Hdźe jenož wostanje? To je wšón spodźiwne. A čehodla steji jeho měch před štomowej budku a přestrjenc wopički Ritki je naraz fuk? Tuž dyrbja přećeljo znowa zapřimnyć a wupomhać.
wot 4 lět
Kak su wroblik Frido a jeho přećeljo do Afriki lećeć chcyli
5,90 €*
Wroblik Frido a jeho přećeljo su zaso po puću – w předležacej stawiznje spisowaćelki Jěwy-Marje Čornakec, kiž swój wuspěšny rjad z tym dale wjedźe. W knize so přećeljo na wulku jězbu podaja. Chcedźa z balonom přez wulke morjo lećeć. Ale što to?
Wot 4 lět
Wumoluj wroblika Frida a jeho přećelow!
Ze zabawnymi barbnymi ilustracijemi Güntera Wongla słušeja »Wroblik-Frido-knihi« mjeztym k bestselleram serbskeje dźěćaceje literatury. Jako přidawk ke kniham předelži wumolowanski zešiwk, w kotrymž móža dźěći wroblika a jeho přećelow wumolować. wumolowanski zešiwk skazać Na zelenej łuce, tam při wulkim štomje, startuje nowy dyrdomdej za wroblika Frida a jeho přećelow. Přećeljo přihotuja so na wulku jězbu. Chcedźa z balonom do Afriki lećeć. Myška Pip-pip a jěžik Kałačik hižo pilnje wačoki spakujetaj. Tež žabka Šlapka so wjeseli. Skónčnje je tak daloko. Balon stupa z wroblikom, myšku, žabku a jěžikom dowysoka, na směr juh. Po puću dótknu so přećeljo nimale wjerškow Alpow, přeleća Srjedźne morjo a wjesela so na Afriku. Ale što to? Naraz přiwali so wulke njewjedro, błyski a hrimanje. We wichoru kołsa so korbik kaž tajka čumpjel na hermanku. Njemdry wichor hrabnje za balonom a njese jón do daliny. Přećeljo ze strachom třepotaja a so nadźijeja, zo do morja njepadnu. Jako přizemja, je hižo ćma a wšitcy sej wučerpani wusnu.
Rano wotućiwši widźa wulke štomy, palmy a hustu kerčinu. Hdźe su jenož přizemili? Je to Afrika?
Wroblik Frido a jeho přećeljo
10,00 €*
„Na zelenej łuce rosće štom.“ Takle započina so kóžda stawiznička noweje hornjoserbskeje słuchoknihi. Čłowjek njeby wěrił, što móže so na tajkim štomje, mjez jeho korjenjemi a na łuce pod nim wšo stać! Myška wuknje płuwać, žabka wojuje wo pokal „Spěšna nóžka“ a jěžik nochce a nochce spinkać. Wot 4 lět
Jenož derje, zo je wroblik Frido sčasom lětać nawuknył. Tuž je wšudźe na městnje, hdźež je pomoc trěbna.Woblubowane stawiznički “Kak je wroblik Frido lětać nawuknył”, “Kak je myška Pip-pip płuwać nawuknyła”, “Kak je žabka Šlapka spěšnje skakać nawuknyła” a “Kak je jěžik Kałačik skónčnje spać nawuknył” z pjera Jěwy-Marje Čornakec su mjeztym rozebrane. Marja Krawcec je je nětko z profesionelnymi dźiwadźelnikami w formje sceniskeho čitanja nahrawała.