12-lětny Janeau je wulki talent w lodohokeju. Po smjerći maćerje, kotraž je jeho trenowała, přećahny ze swojim nanom do cuzeho města a z lodohokejom wotzamkny. Tam zetka sebjewědomu wrotarku Julie, kotrejež mustwo přihotujeso na Peeweeje, młodźinske swětowe mišterstwa w lodohokeju. Spěšnje spózna talent Janeauwa a přerěča jeho, w mustwje sobu hrać ...
Z njekedźbnosće bě 14lětny Matej při wudźenju syno na lěsnej łuce zapalił. To najhórše při tym bě, zo zmóžni z tym złej kuzłarniči Mórawje, so ze swojeho magiskeho kruha wuswobodźić. Kubołćik Koblik prosy Mateja, zo by bajowym postawam w štwórtej dimensiji pomhał, swět před zanjerodźenjom a zničenjom škitać a tak pisanosć wobeju swětow wuchować. K tomu wupožči wón Matejej na tři dny kuzłarski kłobuk Pumpota, kotryž zamóže z prawym hrónčkom wšě přeća spjelnić. Hač drje so Matejej a jeho přećelce Jadźi poradźi, misiju wo čistej přirodźe spjelnić, hačkuli zła Mórawa dale a sylniši wliw na mysle čłowjeka wukonja?
Karla a Katrina běštej jónu najlěpšej přećelce. W poslednim času pak zajimuje so Katrina přeco bóle za hólcow, swój handy a hudźbu. Karla so dale nadźija, zo byštej zaso přećelce byłoj a přeprosy Katrinu na zhromadny dowol ze swójbu. Krótko do wotjězda Katrina woprawdźe přińdźe! Cyle zbožowna ma so Karla při wšěm po woli přećelki. To Katrinu zatrašnje myli a prózdniny bywaja za nju dźeń a wostudliwiše...Doniž njezeznajetej Jonasa, hólca ze susodneje wjeski, do kotrehož so Karla zalubuje. Přećelstwo holcow so znowa pruwuje. Hač přetraje wšě zadźěwki a napjate dyrdomdeje?Jara žiwy a pisany swójbny film, kotryž wobjednawa temy kaž přećelstwo, prěnju lubosć a swójbne žiwjenje.
Rosa – 15lětna holca, kotraž je na najlěpšim puću, so dorosćena stać – ma problemy. Staršej staj so dźěliłoj, mać ma noweho muža a Rosa naraz małeho połbratra Abelčika. K tomu chce mać tež hišće přećahnyć. Zwučeny socialny wobswět Rosy je z tym fuk, wona dyrbi chcyjo nochcyjo tež nowych přećelow namakać. Jeje najnowši konik je grafiti, jeje nowy wučer, do kotrehož je so njesměrnje zalubowała, je homoseksualny. Nowa přećelka chodźi po wobchodach kradnyć, frizer je heroiskej Rosy wjacore tuby čerwjeneje barby do włosow spraskał, a nad brjowku je sej k tomu tež hišće rjany pearcing sčinić dała ... Bjez dźiwa tuž, zo znaje Rosu mjeztym policija. Haj, žiwjenje młodostnych njeje runjewon jednore. Hdyž znajmjeńša starši njebychu tak napinacy byli … Božičkecy, kak to jenož přetraju ?
Estniski dźěćacy film Ruudi jedna wo hólčecu, kotryž pyta noweho nana, zo by z nim zhromadnje na prawej wikingerskej łódźi jěć móhł. Zhromadnje ze swojej přećelku Viku přewjedźe "prěnje wubědźowanje wo papu" a dožiwi najwšelakoriše dyrdomdejstwa. Synchronizowany bu film z 20 hrajerjemi serbskeje lajskeje dźiwadłoweje skupiny Chrósćicy a dalšimi serbskimi młodostnymi a dźěćimi.
Kóždy kónc tydźenja přiwyskuja tysacy hordych a napjatych nanow swojim kopańcu hrajacym synam. Při tym rozsudy sudnika jara dokładnje wobkedźbuja a wótře komentuja. Jedyn z nich je Bert, kotryž chcyše so jako młodźenc sam z profijom stać, štož pak so jemu njeporadźi. Jeho 12-lětny syn Gilles, jara wobdarjeny a zahority kopar, soni tohorunja wo tym, jónu jako „Čerwjeny čert“ w narodnym mustwje sobu hrać. Zo by so són spjelnił, trenuje nan wšědnje jara zaměrnje ze swojim synom. Cyle njejapcy pak so žiwjenje hólca změni. Za młodeho koparja započina so ćežki čas. Gilles dyrbi wuknyć so rozžohnować, tež wot swojich koparskich sonow …„Gilles“ je jara čućiwy, wuběrnje hraty dźěćacy film, kotryž wobjednawa temy kaž smjerć, lubosć, přećelstwo a pytanje za swójskim žiwjenskim pućom. Na Mjezynarodnym dźěćacym festiwalu 2006 w Kamjenicy wuznamjeni so film z třomi mytami, mjez druhim z mytom mjezynarodneje dźěćaceje jury.
Dyrdomdeje čmjełakowMałej čmjeli Čmjełak a Brunčak bydlitaj w domčku pod wrjosom. Wonaj staj druhdy njeposłušnaj, ale móžetaj tež jara lubaj a přećelnaj być. Najbóle pak so bojitaj šerjenja Pumpotaka. Što drje na swojich pućach do cuzeho swěta dožiwitaj?Powědki wo soninje AmalceAmalka je šikwana lěsna sonina. Wona škita swojich přećelow z lěsa před ludźimi, kiž měr kaža. Dožiwi při tym wšelake dyrdomdejstwa — zbožowne a strašne chwile.Puće fórmana ŠtrympičkiFórman Štrympička ma konja Całćičku a dóstanje młodu žonu, soninu Julku. Wón rozwožuje twory z Wósporka do města a samo do Kamjenca dyrbi jónu. Wjele dyrdomdejow dožiwi po puću: Z dubowymi mužikami, z wohnjošom abo z rubježnikami. Wšitko wón zmištruje a je w pokoju žiwy.
Micka z Kocorkowa»Domasydačk« rěkaše micka, kiž jenož doma sydaše. Tola naraz so zmuži: Zalěze na łubju, wuhlada wuheń a wulku swěćatu kulu a potom zezna nowych přećelow. A što wšo z nimi dožiwi, widźiće a słyšiće w tutej bajce.Čapkowe činkiKaž to w bajkach je, widźiće wjercha, hrabju a hrabinku, ale tež młynka ze swojej swójbu. Hłowny rjek pak je wódny muž Čapka, kak wón swoje hłódne karpiki picuje, kak Katyržince bónčawy našćipa, kak Jurjej k pjenjezam dopomha abo kak swoje huslički zakituje.
Wjesny hólčec Kito so do Iěsa zabłudźi, hdźež bydla soniny, ale tež zła wjera-kuzłarniča. Wona Iudźom škodźi, hdźežkuli móže. Lěsny mužik Mlóčko, kotryž nochce wjerje słužić, Kita wuchowa. Zhromadnje Mlóčko a Kito přećiwo wjerinym złym činkam wojujetaj. To njeje jednore. Tola Kito a Iěsny mužik so žanoho kuzła njestróžitaj, doniž čertaj złu wjeru do hele njewotwjedźetaj.
Der Geburtsort Kuckau, der Studienort Prag, sechs verschiedene Pfarrstellen, ein Kloster und eine Nerven- und Trinkerheilanstalt zählen zu den Lebensstationen des sorbischen Dichters und Geistlichen Jakub Bart-Ćišinski (1856-1909). Von zwanzig Jahren im kirchlichen Dienst muss er sechzehn außerhalb seiner sorbischen Heimat verbringen. Die erzwungene Isolation trägt gleichzeitig schöpferische Früchte: Zwischen 1884 und 1908 entstehen dreizehn Gedichtbände. Mit seiner formbewussten Lyrik grenzt sich Jakub Bart-Ćišinski von der Folklorepoetik ab und bewirkt die Annäherung der sorbischen an die europäische Literatur. Eine Studentin begibt sich auf Spurensuche, um Persönlichkeit und Werk des Dichtergenies mit all seinen Konflikten und Widersprüchen aus heutiger Sicht zu ergründen.
Prěni raz předstajeja so z tutej filmowej seriju stawizny Serbow wot spočatkow hač do přitomnosće, wot něhdźe 600 po Chr. hač do lěta 2000, ze scenami, dokumentami a rowjenkami. Film spjelnja wažny přinošk k lěpšemu zrozumjenju wažneho dźěla němskich stawiznow a njehodźi so jenož za šulsku wučbu.
Der moderierte Dokumentarfilm informiert
über alle aktuellen sorbischen/wendischen Bräuche und Traditionen der
Niederlausitz im Jahreslauf und widerspiegelt dabei nicht nur das Heute,
sondern geht auch auf deren Entstehung und ursprüngliche Bedeutung ein.
Inhalt:
Wendische Fastnacht, Oster- und Frühlingsbräuche, Erntebräuche,
Winterbräuche
Mała wjera je hakle 127 lět stara a hišće přemłoda, zo by z tamnymi wjerami we Wałpornej nocy při wohenju rejowała. Tohodla sej tam skradźu doleći a – bu lepjena! Jako chłostanje dyrbi w běhu jednoho lěta wšě 7892 kuzłarske hrónčka z tołsteje knihi z hłowy wuknyć a dopokazać, zo je dobra wjera. Ale štowučinja dobru wjeru? Hromadźe ze swojim přećelom, rapakom Abraxasom, so na dyrdomdej zwaži, wuknje pilnje wšě hrónčka a pyta za wotmołwu na prašenje …
Mała wjera je lóštny a žortny swójbny film, połny šarmantnych pryzlow a kuzłarsko-magiskich wokomikow. Wuběrni hłowni hrajerjo a bajkojte wuhotowanje skulojća filmowe dožiwjenje.
Die kleine Hexe ist ein lustiger und witziger Familienfilm, voller charmanter Streiche und zauberhaft-magischer Augenblicke. Hervorragende Hauptdarsteller und eine märchenhafte Gestaltung runden das Filmerlebnis ab.
Mała wjera *** serbska synchro *** Trailer 2022
Kaž Indian 10-lětny Maks runje njewupada, ale to njewadźi. Maks je Indian, haj samo hłownik! Jeničce jeho kmjen čini jemu starosće: Nan je ze swójbneho tipija wućahnyć dyrbjał a mać chodźi hižo po cuzych šćežkach. Ale nadobo skići so jemu jónkrótna šansa: W lětnim dźiwadle ma so róla syna Winnetouwa znowa wobsadźić. Maks je kruće wo tym přeswědčeny, zo rólu dóstanje a zo budźe potom tež doma wšitko zaso w porjadku. Potajkim započina trenować. Pomhać ma jemu při tym Matej, hólc w jeho starobje, kotryž pak wo Indianach docyła ničo njedźerži …
Syn Winnetouwa je jara lóštny a žiwy swójbny film, kotryž namołwja, za swoje sony wojować. Z wulkim wuspěchom so na wjacorych narodnych a mjezynarodnych festiwalach publikumej pokaza.
Wot 8 lět
Die Sorben sind ein westslawisches Volk mit eigenständiger Sprache und Kultur und leben seit mehr als 1400 Jahren in der Lausitz: in der Oberlausitz im Freistaat Sachsen und in der Niederlausitz im Land Brandenburg (hier auch Wenden genannt).Bis heute haben sie in ihrer Lebensweise die nationalen Traditionen bewahrt und genießen den Schutz um die Erhaltung ihrer sorbischen Identität.Der vorliegende Film auf DVD stellt Bräuche vor, die in der Osterzeit in der Ober- und Niederlausitz gepflegt werden und einen Einblick in das heutige Leben der Sorben vermitteln. Er lebt von der realen Beobachtung des Geschehens. Einzelne Akteure erklären die Brauchhandlungen und Kommentare ergänzen ihre Aussagen.Der Film zeigt ein authentisches Bild von der Würde und dem Traditionsbewusstsein sowie vom Bestreben des sorbischen Volkes seine Sprache und sein Brauchtum zu erhalten.
