Po Swjatym pismje za dorosćenych je tuta kniha prěnja biblija, zasopowědana za dźěći w serbskej rěči.W knize předstaja so napřewšo zajimawe a jadriwe wašnje najwažniše stawizny Stareho zakonja kaž tež podawizny z Jězusoweho žiwjenja a ze žiwjenja jeho wučomnikow. Twar Babelskeje wěže, zdobyće Jericha, kwas w Kanje abo pućowanje japoštoła Pawoła su tu jenož někotre přikłady. W bibliji powěda awtorka hišće wjele wjace znatych a mjenje znatych stawiznow w jednorej rěči za dźěći zaso. Wot 8 lět
Cyrkwinske lěto započnje so z adwentom, a bórze po tym su hody a Nowe lěto a je Třoch kralow a póstnicy a … Wjele swjedźenjow mamy a swjećimy, doniž njepřińdźe nowember a swjateho Měrćina. Čehodla a hdy što swjećimy, so dźěćom nazornje w předležacej knize wopisuje. Wot 8 lět
Skónčnje tak daloko je: Lucija a Syman staj k prěnjemu swjatemu wo... wo... wopytanju šłoj. Trochu kopolate wšak te zapřijeće je, njeměniće tež? Što ma z tym na sebi, to jenož zhoniće, hdyž sej dopomnjenski album „Moje prěnje swjate woprawjenje” bliže wobhladaće. W srjedźišću tekstoweho dźěla steji přećelstwo z Jězusom, kotrež so z kóždym přistupom k blidu Božemu wobtwjerdźa. Što je zakład woprawdźiteho přećelstwa? Móžu Jězusowy přećel być? Kak Boha narěčeć? Móžu nawuknyć so modlić? Kak mi Jězus pomha, być dobry čłowjek? Što stawa so na Božej mši? Na tute prašenja nańdu młodźi wužiwarjo wotmołwu. Druhi dźěl albuma sčini z kóždeho eksemplara unikat. Wšako skića mnoho městna za swójske zapiski a fota wo swjedźenju kaž tež dwustronske wumolowanki.
Što je modlitwa a kak so modlić? Předležaca kniha měri so wosebje na młodych ludźi. W njej je wjele přikładow, z kotrymiž chce wudawaćel Guido Erbrich dyrdomdej modlenja wolóžić. Stare a nowe, znate a njeznate modlitwy steja pódla tekstow z biblije a kěrlušow z wosadnika.Što je modlitwa a kak so modlić? Předležaca kniha měri so wosebje na młodych ludźi. W njej je wjele přikładow, z kotrymiž chce wudawaćel Guido Erbrich dyrdomdej modlenja wolóžić. Stare a nowe, znate a njeznate modlitwy steja pódla tekstow z biblije a kěrlušow z wosadnika. Nimo toho su w knize modlitwy wuznamnych ludźi z wšelakich časow, kiž spytachu z nimi na prašenja žiwjenja wotmołwić. Modlitwy Serbow Michała Nawki a Alojsa Andrickeho je Měrko Pohonč přidał. Nańdu so tež tajke z pjera Rogera Schutza, Anthonyja de Mello, Tomaša Akwinskeho, Ignacija z Loyole, Dietricha Bonhoeffera a Mahatma Gandhija. Kniha je z powědkami wobrubjena a bohaće z fotami wuhotowana.
Dźěći su čućiwe a spóznaja swójsku a nuzu blišeho. Potom je derje, hdyž móžeja so Bohu dowěrić. Swoje starosće a próstwy, ale tež wjeselo a dźakownosć do słowow skłasć, pak scyła tak lochko njeje. Knižka chce při tym pomoc być. Wona wobsahuje něhdźe 70 modlitwow za najwšelakoriše situacije: nimo rańšich a wječornych paćerjow a paćerjow za blidom su w njej tež modlitwy we wosebitych situacijach kaž w chorosći, při zwadźe atd. Zwjetša su to rymy, kiž dźěći bórze z hłowy znaja. Dalše w njewjazanej rěči je pohonjuja, swoje mysle swobodnje wuprajić. Modlenčka, kiž so w swójbach wotdawna dale dawaja, wotměnjeja so z nowšimi z pjera načasnych awtorow. Za 2. nakład bu wuběr z widom na potrjeby dźensnišeho časa łahodnje wobdźěłany.
Kak móže so dźěćom wot 8 do 12 lět katolska wěra tak rozkłasć, zo wone to zrozumja? To njeje lochko, wšako tež dorosćeni na někotrežkuli prašenje dospołnu wotmołwu njeznaja. YOUCAT za dźěći móže cyłej swójbje z pomocu być. W formje prašenje-wotmołwa informuje tale kniha wo bytostnych wobłukach katolskeje wěry: wo pochadźe swěta a wšeho, štož eksistuje, wo wobsahu wěrywuznaća, wo swjatych sakramentach, wo dźesać Božich kaznjach, wo modlenju. Móžemy Boha spóznać? Eksistuje za nas žiwjenje po smjerći? Što su sakramenty? Čehodla chodźa křesćenjo njedźelu kemši? Kak móžu z Bohom rěčeć? Cyłkownje 159 prašenjow a wotmołwow skići impuls za rozmołwu wo žiwjenskim fundamenće katolskeho křesćana.wot 8 lět
Pod patronatstwom Wienskeho kardinala Christopha Schönborna a w zhromadnym dźěle z młodostnymi nasta z wulkeho „Katechizma katolskeje cyrkwje” čerstwa a moderna čitanka wo wěrje, YOUCAT mjenowana. Mjeztym předleži we wjac hač 20 rěčach a bě centralny element na swětowym zetkanju młodźiny w Madridźe.Pod patronatstwom Wienskeho kardinala Christopha Schönborna a w zhromadnym dźěle z młodostnymi nasta z wulkeho „Katechizma katolskeje cyrkwje” čerstwa a moderna čitanka wo wěrje, YOUCAT mjenowana. Mjeztym předleži we wjac hač 20 rěčach a bě centralny element na swětowym zetkanju młodźiny w Madridźe. W swojim předsłowje wobroći so bamž Benedikt XVI. na młodych wěriwych po wšěm swěće a jich namołwja: „Studujće katechizm! To je moje wutrobne přeće. Studujće katechizm pilnje a wutrajnje! Dyrbiće we wěrje hišće hłubšo zakorjenjeni być hač generacija wašich staršich.“ W formje prašenje-wotmołwa natwarjena je kniha rjany dar młodostnym runje tak kaž staršim zajimcam k wšelakim přiležnosćam, na kóždy pad pak hodźi so wurjadnje k firmowanju.
