Koče slěbro
Koče slěbro nima ničo z kóčkami činić, ale je titul woblubowaneje kriminalki Jurja Kocha. W předležacym dalšim nakładźe móže nowa generacija čitarjow z Jakubom, Filipom, Rejzku a wowku Babydušku wo Šibjeńču horu wojować, kotraž ma so kočeho slěbra dla wotbagrować. A z njej ma so tež zhubić Weclichec bróžnja a wšě te šerjenja, kiž tam wopołnocy rady nimo jěducych za nós wodźa. „Wumóžimy Šibjeńču horu a Weclichec bróžnju“, abo skrótšene „wumšibhorawecbrož“ rěka zawjazk młodych wojowarjow-aktiwistow a z nim wustupuja samo před sakskim parlamentom. Hač maja tam wuspěch, to njech sej dźěći w dźewjeć kapitlach a „hišće jednym krótkim kóncu“ same wotkryja.
Wot 8 lět
| Sprache | Obersorbisch |
|---|---|
| ISBN | 978-3-7420-1799-4 |
| Bibliographie | 2. nakł. 2020, 160 s., č/b. rysowanki, kruta wjazba |
| Veröffentlicht: | 03.06.2020 |
Anmelden