Krabat a čorny mišter
15,00 €*
Młody a njewjazany dóstanje so Krabat do putow čorneho mištra. W Kózłom zeznaje poněčim mašineriju čorneho młyna, kotrejž so po zdaću wuwinyć njemóžeš. Přewodź Krabata a spóznaj hromadźe z nim a druhimi młynskimi, kotre mocy kuzłanje ma a kak zahubny režim přez hłuboke přećelstwo, solidaritu a lubosć přewinješ.
Putacy dyrdomdej, kiž čitarki a čitarjow kóždeje staroby zahorja a k rozmyslowanju pohnuwa. Nětko předleži mištersce napisany roman tež hornjoserbsce.
Wot 14 lět
Feliks a Florian • Płomjo-edicija
6,90 €*
Wěsće, kak móžeće sami ze zmijom lěćeć? Abo što je mudrofon? Abo čehodla sej starši přeco mysla, zo wšitko lěpje wědźa? Nic? Tak je tuta comic-knižka za was myslena - Feliks a Florian jako wosebita Płomjo-edicija. Na 96 stronach móžeće worakawstwam a dožiwjenjam Feliksa a Floriana sćěhować. Šibałaj přećelej staj dźěćom z Płomjenja znataj. Šćěpan Hanuš je wunamakar figurow, awtor stawizničkow a zdobom ilustrator.
Wot 8 lět
Dźiwadło njewidźomnych dźěći
14,90 €*
10lětny Michał je při wobchadnym njezbožu swojeju staršeju zhubił. Wobrazliwje powěda wón wo swojim žiwjenju w syrotowni, wo stysku za maćerku a nanom, wo nadźiji, zo nowu swójbu namaka, wo přećelu, kotryž so rjaneho dnja naraz zhubi. Jako jeho najlubša kubłarka krótko po tym druhdźe dźěło nańdźe, je to za Michała dalši šok, kotryž njemóže přewinyć. Přesydli so do druheje, mjeńšeje dźěsćownje, w kotrejž ma prěni raz swójsku stwu. Chwilu pozdźišo zaćehnje tam 14lětna Sylwija, pječa ze sławneje swójby dźiwadźelnikow pochadźaca, a natyknje wšěch ze swojej dźiwadłowej euforiju. Dźěći pytnu, zo móža na jewišću cyle hinaše być hač we woprawdźitosći. Ze swojim planowanym předstajenjom pak budźa kedźbnosć policije. Marcin Szczygielski je putacu stawiznu syroty wušiknje do historisce wuznamneho časa Solidarnosće w 1980tych lětach w Pólskej zapołožił.
Wot 11 lět
Łójerjo sonow
14,90 €*
Medium:
Hardcover
Janikej Šajatowićej so přeco zaso dźije, kak so jeho nan w młowojtym bahnje zhubi a so hižo nihdy njenawróći. W myslach a sonach Niny wjerći so wšo wokoło Romana, do kotrehož je zalubowana. Seminar, na kotrymž chcetaj swoje sony zrozumić a wowliwować nawuknyć, pak wopokaza so jako strašny trip do swěta sćinow.
Fantastiska stawizna za čitarjow wot 14 lětJanikej Šajatowićej so přeco zaso wo swojim nanje dźije. Mać pak jemu přičinu nanoweho zhubjenja zamjelči. Zo by hólčec skónčnje zhonił, kotry zmysł, kajka powěsć w jeho nócnych dožiwjenjach tči, wobdźěli so na seminarje wo wułožowanju sonow. Nina pak bě wot swojeje přećelki wo jasnym sonjenju słyšała. Chce wjace wo tym zhonić a so nadźija, zo na seminarje swoje sony wědomje wobwliwować nawuknje. Bórze Janik a Nina pytnjetaj, zo ma nawoda seminara, kiž so Master mjenuje, wostrózbnjace wotpohlady. Z pomocu noweho medicinskeho srědka a kompjuteroweje hry zawjedźe wobdźělnikow do paralelneho swěta. Tam, na mjezy mjez žiwjenjom a smjerću, mjez sonom a realitu, zetka Janik nana a namaka wotmołwy na swoje prašenja. Nina pak spóznaje přičiny swojich starosćow. Jako so jimaj skónčnje wuswětli, štó so za mysterioznym Masterom chowa, je hižo nimale přepozdźe.
Varianten ab 9,99 €*
Lěćo za započatkarjow
14,90 €*
Sofija, 13lětna holca ze serbiskeho Běłohroda, jědźe w lětnich prózdninach ze swojej wowku na chorwatsku kupu Hvar. Wowka, kotraž wottam pochadźa, je kupu wójny dla před 26 lětami wopušćiła. Nětko chce swoju sotru Luciju wopytać. Spočatnje Sofija pod tym ćerpi, zo njemóže prózdniny tak přežiwić, kaž jeje přećelki, zo ma na tajkim pustym blečku wutrać, hdźež ju horcota, kuntwory a wowcyne smorčenje trapja. Poněčim pak zhoni, zo ma na Hvaru nimo wowcyneje sotry dalšich přiwuznych. Čehodla bě jej wowka tole zamjelčała?
Wot 10 lětZašłosć a swójbne stawizny póčnu holcu zajimować. Zeznaje kuzinu a kuzenka a z jeho pomocu Svena ze Šwedskeje, do kotrehož so zalubuje. Čitar přetraje ze Sofiju napinace a napjate chwile – kniha je jako jeje dźenik napisana, kotryž wona w bjezsparnych nocach wjedźe.
Z Francom po swěće
14,90 €*
Što pohnuje młodostneho, na tři lěta a jedyn dźeń do cuzby hić, so ze swójbu a přećelemi rozžohnować, so pěši abo z awtostopom po kraju pohibować, sej přeco zaso nowe dźěło pytać, cuzych wo nóclěh a jědź prosyć ... a wšo to z móličkim wačokom a bjez smartphona abo tableta? Franc Čornak z Chrósćic je so w nowembrje lěta 2009 na tónle njewšědny projekt zwažił. Jako metalotwarc poda so na wandrowstwo.
Wot 10 lětSam wo sebi praji, zo bě do toho lědma Łužicu wopušćił. Za čas pućowanja pak poby w dźewjeć krajach. Jónu skoro zmjerzny, druhi raz bychu jeho bjezmała zatřělili. Rozhłosownica Monika Gerdesowa, kotraž sama rady pućuje, je so Franca Čornaka za jeho dožiwjenjemi prašała. A wón je jej powědał, nic jenož wo pućowanju samym, ale wosebje tež wo zetkanjach z ludźimi, wo tradicijach wandrowskich, wo žiwjenju w druhich krajach. Knihu je we Wienje skutkowaca grafikarka Jana Große na čerstwe wašnje ilustrowała a wuhotowała.
Warimy z Tomašom
14,90 €*
Štó njeby chcył kaž prawy kuchar pjec a warić? Swojich lubych abo přećelow překwapić ze słódnym menijom? Warjenska kniha z pjera znateho serbskeho kucharja Tomaša Lukaša přeprošuje dźěći wot wosom lět a cyłu swójbu na dyrdomdej do kuchnje. Nimo zdźěla hižo w Płomjenju wozjewjenych nadeńdźeće w předležacej warjenskej knize cyle nowe recepty, hač su to mały přikusk, słódna poliwka, tykanc, lazanja abo tež ─ za pokročenych a znajerjow kuchinskeho dźěła samo nukl w salmorejo-jušce. Na jednore a přehladne wašnje wopisuje a pokazuje Tomaš Lukaš krok po kroku, kak so wšo spřihotuje, nawari abo napječe. W dodawku nadeńdźeće přehlad wužiwanych a znatych zelow a korjeninow kaž tež mały praktiski słowničk. Dźakowano praktiskeje spiraloweje wjazbje móžeće sej knihu na kóžde městno w kuchni stajić, zo njebyšće při dźěle přehlad zhubili.
Wot 8 lětTuž dajće so překwapić a wosebje dajće sej słodźeć!
Pismikowa keklija
19,90 €*
Pismikowa keklija je hra, z kotrejž móžetaj dwajo, třo a abo štyrjo hrajerjo na zabawne wašnje swój słowoskład w serbskej rěči přepruwować a rozšěrjeć. Z pomocu pismikowych klockow tworja hrajerjo słowa a je w formje křižowki na hrajnu desku kładu.
Wot 10 lětPismikowa keklija je hra, z kotrejž móžetaj dwajo, třo a abo štyrjo hrajerjo na zabawne wašnje swój słowoskład w serbskej rěči přepruwować a rozšěrjeć. Z pomocu pismikowych klockow tworja hrajerjo słowa a je w formje křižowki na hrajnu desku kładu.
Hra wobsteji ze 107 hrajnych klockow, na kotrychž je stajnje jedyn pismik naćišćany. Kóždy pismik serbskeho alfabeta je w hrě jónu abo husćišo zastupjeny. Hódnotu pismika wupokazuje ličba na hrajnym klocku deleka naprawo. Čim wyša je hódnota, ćim rědšo so pismik w serbskej rěči wužiwa. Nimo toho su tři jokerowe klocki w hrě. Wone hodźa so za kóždyžkuli pismik zasadźeć a pozdźišo z wotpowědnym pismikowym klockom wuměnjeć.
Za kóžde słowo, kotrež hrajer kładźe, dóstanje dypki. Přidatnje su na hrajnej desce wosebite pola, kiž hódnotu pismika abo cyłeho słowa powyša. Hra dóstanje přez to cyle swójsku dynamiku a wězo pomha tróšku zboža hru dobyć.
Zwěrjata
14,90 €*
Je to zajac abo dźiwi nukl? Kak strašny je šeršeń? Hdy móžeš sołobika spěwać słyšeć? Na tajke a podobne prašenja wě runje wušły, druhi dźěl přewodnika po přirodźe z titulom „Zwěrjata“ wotmołwu. Najwažniše informacije wo tym, kak zwěrjata wupadaja, hdźe su žiwe, hdy su aktiwne a mnoho dalšich zajimawostkow nadeńdu młodźi slědźerjo runje tak kaž zajimowani dorosćeni w nimale 200 zwěrjacych portretach.
Wot 10 lětWobsahCycaki, wlečaki a dwojožiwcyZawodCycakiWlečakiDwojožiwcyPtačkiZawodMałe ptačkiPtački srěnjeje wulkosćeWulke ptačkiInsekty, pawki a podobneZawodInsektyPawkowe zwěrjata… a podobneRybyZawodRybyGlosarRegister a słowničk hornjoserbsko-němskiRegister a słowničk němsko-hornjoserbskiZa aktiwnych čitarjowPytamy za slědamiKašćik za njetopyrjeNastroj za wobkedźbowanje pod woduKupjel za ptačkiNatwar ptačeho jejkaKukawaTwoja wosobinska ptača knihaPřirodoškit a Čerwjena lisćinaZa insektami slědźićHnězdźenska pomoc za insektyWóń mrowjowŠto je powjerchowe napjeće?Eksperiment z klinkačkomSak k łójenjuKwis přirody
W putach Čorneho pana
12,90 €*
Prěni króć smětaj Stefan a Matej na spočatku lěćnych prózdnin samaj w lěsu přenocować. Poprawom staj tam jenož jednu nóc wostać chcyłoj. Hdyž su nazajtra nachribjetnikaj, jědź, handy a tež hišće wupožčeny nawi preč, hólcaj hišće njewěstaj, što jeju wočakuje.
Wot 10 lětPrěni króć smětaj Stefan a Matej na spočatku lěćnych prózdnin samaj w lěsu přenocować. Poprawom staj tam jenož jednu nóc wostać chcyłoj. Hdyž su nazajtra nachribjetnikaj, jědź, handy a tež hišće wupožčeny nawi preč, hólcaj hišće njewěstaj, što jeju wočakuje. Hakle poněčim zwěsćitaj, zo njeje lěs za Čertowej wudrjeńcu tajki kaž před njej. Nadobo wjedu wšitke puće horu dele a w nocy přińdu mužojo, kotřiž zamóža přez štomy hić. Hdyž wozmu Stefana sobu „na hród“, dyrbi so Matej rozsudźić. Spyta sam puć domoj namakać abo wuswobodźi najprjedy swojeho přećela z rukow a wot wliwa Čorneho pana?Tak ćěmny kaž Čorny lěs su tež potajnstwa, kotrež so w nim chowaja. Hač so Matej a Stefan hdy domoj namakataj? Bjez pomocy zda so to bjezwuhladne.
Wo wćipnych Jěwach a nócnych hawronach
14,90 €*
Što chowa so za rěčnymi wobrotami kaž stara sowa, hłupy Hans abo holči pop? Wotmołwu na to dawataj Anatolij Iwčenko a Sonja Wölkowa w předležacej publikaciji. Třista serbskich rěčnych wobrotow staj pilnaj kaž mrowičce nahromadźiłoj a rozkładźetaj je w předležacej knize.
Wot 8 lětKóždemu wobrotej je přikład přidaty a – hdźež so hodźi – tež němski wotpowědnik. Přidatny powabk knihi su krasne a žortne ilustracije Lipšćanskeho grafikarja Thomasa M. Müllera. Mjezynarodnje znaty wuměłc je mjez druhim w Parisu, New Yorku a Tokiju wustajał. Pisana přiručka je za wšitkich, wšojedne hač su runje prěnim cholowčkam wurostli abo hižo Abrahama widźeli.
Skónčnje 14
9,90 €*
Kušel-zawk a prěnja lubosć: Sofija chce być štyrnaće!W prózdninach je zeznała Toma a hižo z pěskoweho kašćika znaje Měrćina, kotremuž móže wšo dowěrić a před kotrymž so ani płakać njehańbuje. Što pak staj wonaj porno Andrejej z dźewjatki? Tón ma něšto cyle wosebiteho, snano něšto podobneho kaž Elwira z Kirgizistana, z kotrejž je so Sofija spřećeliła.
Wot 10 lětAle njejstej to jenož Andrejowej ćmowej woči, kotrejž Sofiju putatej.Stawizna wo Sofiji a wo jeje sonach, wo spłóšiwych hubkach a wo njewěstej žedźbje za wjace.
Sonjacy delfin
7,90 €*
Młody delfin Daniel Aleksander je sonjer. Po tym zo je hłós morja k njemu rěčał, poda so na puć, zo by perfektnu žołmu našoł a přez nju zmysł žiwjenja wotkrył. Při tym nazhoni zmužitosć, strach a wosobinske hranicy, doniž njenamaka skónčnje sebje samoho.
Wot 10 lětWurězk z knihi
Štó móhł to być?W swojej zamylenosći zhubi Daniel runowahu a bu nimale k přibrjohej připławjeny. Štó tam za nim wołaše? Hłós klinčeše jemu tak znaty, kaž by jón přeco hižo znał. Wobhladny so, ale běše woprawdźe sam. Strachowaše so. Žadaše sej samota, kiž bě za zwoprawdźenje sonow na so wzał, nětko snano swój tribut? Bě wón wobłudnił?A potom zasłyša hłós hišće raz. Tola nětko jón jasnje zrozumi:Přińdźe čas w žiwjenju,to njezwostanje ći ničo druheho,hač po swójskim puću kročić.Čas, hdyž dyrbiš swoje sonyzwoprawdźić,čas, zo by swojim přeswědčenjam slědował.Daniel njebě sej wěsty. Wočiwidnje zamó něchtó jeho mysle čitać a dušu přeswětlić a tak jeho najwjetše potajnosće wuslědźić.„Štó sy?“, so wopraša.„Sym hłós morja.“„Hłós morja?“„Haj, Danielo. Sy něšto docpěł, štož sej druhe delfiny ani předstajić njezwaža. A nětko so twoje prócowanja, dołhe a samotne zwučowanje w přiwalu stajnje slědujo swojemu sonej, skónčnje wupłaća.“A potom słyšeše Daniel Delfin słowa, kotrež mějachu jeho wosud na přeco změnić:„Sy wjele nawuknył, Danielo. Nětko přeńdźe twoje žiwjenje do noweho wotrězka, w kotrymž wotmołwy na swoje sony nańdźeš.“
Koko a operacija Barbarossa
8,90 €*
Marko Lukarič chodźi do sedmeho lětnika, je nowy w rjadowni. Čehodla pak steji na jednym boku jeho zešiwka: Matematika, Marko Lukarič, 7a a na druhim boku: Matematika, Měrko Koman, 7b? Tomaš a Koko chcetaj wědźeć, što za tym tči. W operaciji Barbarossa bórze wuslědźitaj, zo chodźi Marko do dweju Zagrebskeju šulow, do jedneje dopołdnja a do tamneje popołdnju.
Wot 10 lět
Krajina Agord
4,90 €*
Małej Luciji so wostudźi. Něšto njewšědneho by chcyła dožiwić, něšto cyle wosebiteho zeznać, w powětře so znošować snano. Stary štom před woknom powěda wo krasnych pućowanjach, a holca da so zawjesć do strašneho dyrdomdeja.Lucija nadobo čuje, kak so rozdwoji, a sama sebi móže přihladować, hdyž so jako Lucinka Halucinka na pućowanje do bajkojteje krajiny AGORD poda.
Wot 10 lětDźiwne a strašne postawy tam na nju čakaja: Palčik Rawotyps, pachoł Zufnok, wobchodnik Relaed z kwětom Ołdabejom.Lucinka Halucinka na zawjedliwy Ołdabej ponucha a dožiwi, kak krasnje móžeš so z nim znošować. Zeznaje pak tež zahubne jeho wuskutki a puć połny čwělow, po kotrymž dyrbi kóždy hić, kiž chce krajinu AGORD wopušćić. Hač so mała Lucija strowa domoj wróći?
Žiwjenje našeho knjeza
7,90 €*
Znaty awtor Charles Dickens je swojim dźěćom powědał ewangelij a to wězo na swoje wašnje. Hakle po smjerći awtora je so rukopis wozjewił. Ze zajimawymi barbnymi ilustracijemi je kniha za šěroki kruh čitarjow, nic jenož za młodych.
Wot 10 lět
Matej w štwórtej dimensiji
6,90 €*
Dźiwne wěcki so na lěsnej łuce stawaja. Kwětki zynča a brinča, hoberski skopčk w trawje sedźi, bajowe postawy tam hejsuja, samo UFO na njej přizemi. Što pak ma to wšo z Matejowej misiju činić? Wo wšědnych a njewšědnych wulětach a zetkanjach wjesneho hólčeca Mateja w štwórtej dimensiji powěda nam stawizna Jěwy-Marje Čornakec.
Wot 10 lět„Tale moderna bajka je woprawdźite wobohaćenje knižneje produkcije na polu dźěćaceje literatury. Je spisana we wuběrnej serbšćinje, a to nic jenož za dźěći. Bajkojty raz powědki z realistiskim přirodoškitnym pozadkom podšmóruja cyłostronske barbojte ilustracije Irisy Brankačkoweje. Wona zapopaduje w swojich rysowankach wušiknje wosebje bajowy raj ─ štwórtu dimensiju.“
Monika Dyrlichowa
Die abentheuerliche Reise des Malers Heinrich Theodor Wehle von der Spree bis zum Kaukasus
2,90 €*
Eine spannende Geschichte, eine außergewöhnliche Sprache und eine großzügige Ausstattung zeichnen dieses Buch für ältere Kinder und Erwachsene aus, das in Form einer fiktiven Autobiographie vom Leben des Landschaftsmalers Heinrich Theodor Wehle (1778-1805) erzählt.
Ab 10 Jahren
Bjez čriji
14,90 €*
Medium:
Hardcover
Benjamin, kotrehož wšitcy Ben mjenuja, je do Danki zalubowany. Rady by z njej chodźić chcył ... by-li scyła chodźić móhł. Ćežke njezbožo ze sněhakami je wšě jeho plany přewróćiło. W chorowni wuknje poněčim ze sćěhami toho žiwy być. Čehodla pak jemu Danka z puća chodźi? A hač budźe Ben hdy zaso sportować móc?
Za čitarjow wot 13 lět
Wobhladajće sej krótki klip
Varianten ab 11,99 €*
Zmij Direndaj, Hica-Mica, Zmijček Direndajček, Zmij Ararat a powědančko wo nimi
14,95 €*
„Zmij Direndaj“ je wuslědk wječornych powědančkow před dwaceći a wjace lětami za dźěsći Claru a Gregora. Prašenja dnja, eksistencielne a dalše njerozrisujomne, su so na fantastiske wašnje rozpušćili, doniž wšitko ze sobu do swěta sonow njewza. Kniha z wabjacymi barbnymi ilustracijemi je za starše dźěći.
wot 10 lět
Prěni raz • Powědki wo lubosći a druhich šmjatach
16,90 €*
Medium:
Hardcover
Marek ma prěni raz před wočimi swojich sobušulerjow a šikwaneje Matildy ze skakanskeje wěže skočić. Hana je měsac wot wučby wuzamknjena, dokelž je sobušulerjej nós złamała. Je wopušćeny dom na kromje města woprawdźe prawy blak za prěni rendezvous Jěwy a Feliksa? – Dźesać awtorow, dźesać stawiznow, ale wjele wjac dožiwjenjow a dóńtow. Hdyž sej młodźi ludźo potajnstwa žiwjenja wotkrywaja, je to z mnoho „prěnimi razami“, z někotrejžkuli překwapjenku, ale tež z njewěstosću a přesłapjenjom zwjazane.
»Antologija ‚Prěni raz‛ słuša k najzajimawšim a bjezdwěla k najbóle wotměnjawym publikacijam, kotrež je LND w lěće 2023 wudało.«
»LND doporuča antologiju čitarkam a čitarjam w starobje wot dwanaće lět, a tale cilowa skupina so zawěsće we wjetšinje přinoškow sama spóznawa. Tola tež wyšim semestram měli so powědančka spodobać ‒ ćim bóle, hdyž sej dalše ‚dorosćeniše׳ woršty a meta-runiny wotkrywaja, kajkež su za dobru tak mjenowanu młodźinsku literaturu charakteristiske.« Bosćan Nawka w SN
Awtorki a awtorojo: Pětr Dźisławk, Lubina Hajduk-Veljkovićowa, Dušan Hajduk-Veljković, Andreja Chěžcyna, Měrka Mětowa, Sylwija Šěnowa, Diana Šołćina, Pětr Šołta, Měrćin Wjenk, Annamaria Zahonowa
Varianten ab 11,99 €*
Za wšě pady přećelki!
14,90 €*
Medium:
Hardcover
Přećelstwo mjez Anju, Paulu a Milenku, kotrež maja jenož konje we hłowje, a starosć wo jěchanski dwór, wo tym jedna prěnja serbska konjaca kniha za młodych čitarjow. Zamóže zhromadna lubosć holcow ke konjam hory přesadźeć?
Wot 10 lětAnja a Paula matej starosće: Jurkec jěchanski dwór w Płóšecach, hdźež nimale wšón swój swobodny čas přežiwitej, je wohroženy. Borbora, mějićelka dwora, njemóže bance hižo kredit wróćo płaćić. Jeli njenańdźe tak spěšnje kaž móžno nowych šulerjow, budźe jednoho z konjow předać dyrbjeć. Přećelce pak matej plan, kak dalšich zajimcow přiwabić. Pomoc poskići jimaj Milenka, kotraž chce w prózdninach jěchać nawuknyć. Anju zamóže wona ze swojimi idejemi zahorić, Pauli pak jeje mudre rěče chětro na čuwy du. Jako Milenka jejedla při jěchanju znjezboži, su starosće wo dwór hišće wjetše a plan holcow hrozy so sypnyć. Zamóže jich zhromadna lubosć ke konjam hory přesadźeć?
Varianten ab 9,99 €*
Komplot na ptačim kwasu
12,90 €*
Medium:
Hardcover
Na napjate wašnje rysuje Měrka Mětowa krótki, za to pak ćim turbulentniši wurězk ze žiwjenja hólčeca, kiž sej přez wupožčenje swojeho smartphona wjac hač wulke mjerzanje napara.
Wot 10 lětPjatka w matematice, hanjenje sobušulerjow abo nanowa nowa přećelka z jeje tikom za wšo fijałkojte su pódlanskosće, hdyž Měrćin na Susannu mysli. K hodam je smartphone dóstał a Susanna je jenička holca, kotrejež čisło wón znaje. Tole pak ma fatalne sćěhi, jako Měrćinowy handy Oliwerej do rukow padnje. Pod ptačokwasnym hesłom »Hawron pyta sroku« kursěruje nadobo směšny nawěšk w šulerskej syći. A Susanna nochce hižo ničo wot Měrćina wědźeć. Štóž je knihu »Skónčnje 14« čitał, Měrćina jako najlěpšeho towarša tamnišeje protagonistki Sofije Mikławškec hižo trochu znaje.
Varianten ab 9,99 €*
Šijemy ze Štefi
19,90 €*
Trjebaš originelny dar za lubeho swójbneho, přećelku abo přećela? Abo chceš z wosebitym accessoirom swój outfit porjeńšić? Wzmi sej płat, nožicy a šijawu a započń! Hač rubiško, shortsy, tobołka abo zawk – mjez 29 wudźěłkami za započatkarjow, pokročenych a nazhonitych je wěsće za kóždeho něšto rjane pódla. Serbska designerka a šwalča Štefi Hanušowa ći jednotliwe dźěłowe kroki z tekstom a mnoho wobrazami pokaza. A šijemy serbsce! Serbske mustry a motiwy, ale tež serbske zapřijeća kołowokoło šića sčinja knihu jónkrótnu.
wot 10 lět