Kupjel połna rybičkow
Mjez nowym lětom a patoržicu steja dwu- a štyrinohače w srjedźišću: hawron a sroka, jutrowne wuchače a pyšnej konikaj, Měrćinowa husyca abo zwěrjata w hodownej hródźičce. Runje tak putace su rymowane epizody wo kumštach psyčka Sherryja a pućowanju mjedwjedźa Knuta, wo žadosći lodoweho Korle abo wjeselu wudźerja Konija. A tež ptači abejcej ma w nowostce swoje městno. Wot 6 lět
„Wuzběhnyć maja so čisty rytmus a rymy basnjow, při čimž je w někotrych rymowa wotměna spóznać. Awtorka wužiwa porowe a křižowe rymy, zasadźa w basnjach refreny, wospjetowanja a wotměnjawe gramatiske formy, štož rěč powědanja wožiwja. Dorothea Šołćina přidruža so jako dźěćaca basnjerka wuznamnymaj serbskimaj basnikomaj za dźěći Michałej Nawce a Geratej Libšej.ʺ Monika Dyrlichowa
Z nimale 30 basnjow wopřijacej zběrku Dorothea Šołćina znowa dopokaza, zo swoje rjemjesło wobknježi. Ze swojej rěču zamóže wona wurazliwe wobrazy molować a rymy z jeje pjera sedźa kaž dypk na i. Tuž budźe dźěćom radosć, wo počinkach a njepočinkach najwšelakorišich ptačkow a žračkow čitać abo słyšeć.
| Sprache | Obersorbisch |
|---|---|
| ISBN | 978-3-7420-2331-5 |
| Seitenzahl | 48 |
| Einband | kruta wjazba |
| Bibliographie | 1. nakł. 2015, 48 s., barbne ilustracije. kruta wjazba |
| Veröffentlicht: | 03.07.2015 |
Anmelden