Marka, Janko, pójtaj won!
Dźěći rady spěwaja a wone su rady wonka na łuce, na zahrodźe abo w lěsu. Tam chowaja so putace a zajimawe stworjenčka, čakaja napjate dožiwjenja a spěšnje sej dźěći někajku zaběru nańdu. Runje tak kaž Marka a Jank, kotrajž zhromadnje ze susodźic Matejom, Jurjom a Hilžu w přirodźe tójšto dožiwja. Psyk Lawdan a micka Minka stej skoro přeco pódla. Wot 6 lět
„A prajić hišće chcu, zo dołho hižo njemějach tajku radosć při čitanju knihi, kaž je to »Marka, Janko, pójtaj won!«. Werner Měškank pisa z humorom. Jeho stawiznički maja tež dorosćenym něšto rjec, a jeho rěč njeje kopolata. Za mnje by kniha była idealny dar za cyłu swójbu.ʺ Bernd Pittkunings
Nimo njeju jewja so dalše zwěrjata: Mrowički su Jankej pokład słódkosćow wotkryli, w zahrodce trjeba młody kós pomoc, kompost je raj wudźenkow a na worješinje so wjewjerčce honitej. Werner Měškank je wšitke tute zajimawostki do 36 krótkich stawizničkow spletł a jim spěwny tekst přidał. Marhata Cyžec-Korjeńkowa je wotměnjawe melodije stworiła a wšitke spěwy z dźěćimi Ralbičanskeje šule nahrawała. CD ze spěwami je knize připołožena. Kniha wobsahuje nimo luboznje ilustrowanych stawizničkow tež wšitke spěwy z notami a harmonijemi a na připołoženej CD nahrawane spěwy.
| Sprache | Obersorbisch |
|---|---|
| ISBN | 978-3-7420-2406-0 |
| Seitenzahl | 148 |
| Einband | barbne ilustracije, kruta wjazba |
| Autoren | Měškank, Werner / Cyžec-Korjeńkowa, Marhata |
| Bibliographie | 1. nakł. 2016, 148 s., barbne ilustracije, kruta wjazba |
| Veröffentlicht: | 21.10.2016 |
Anmelden