Hesła 2025
2,50 €*
Wšědne hesła Ochranowskeje bratrowskeje wosady na lěto 2025
zhromadne wudaće ze Serbskim ewangelskim towarstwom
Wšědne hesła Ochranowskeje bratrowskeje wosady su hrona z biblije, kotrež přewodźuja serbske křesćanske swójby přez lěto, zo bychu je zwjeseleli a pohonjowali. Za lěto 2025 je Ekumeniske zjednoćenstwo za čitanje biblije jako lětne hesło wuzwoliło sadu „Pruwujće wšitko, to dobre wobchowajće.“ (1 Tes 5,21). „Hdyž japoštoł křesćanow swojeho časa namołwja wšitko pruwować, přeprosy na kritisku rozmołwu – tež wo swojim dźěle jako japoštoł. Ale, tak wón praji, na kóncu dźe wo to, to dobre wobchować a nic wšo bjez wuwzaća zatamać.“ Takle čitamy w přewodnych słowach k 295. wudaću. A dale: „Smy sej wěsći, zo dosć dobreho namakaće, štož je hódne wobchować. Potom so tež waše žiwjenje přez zetkanje z Bohom kóžde ranje ponowi.“ Zešiwk je zhromadne wudaće ze Serbskim ewangelskim towarstwom.
Bóže słowo na kuždy źeń 2022
2,50 €*
Gronka ochranojskeje bratšojskeje wósady – to su wšednje někotare krotke słowa z biblije – zwězuju kśesćijanow na cełem swěśe a witaju jich w energijowem pólu lubosći Boga, kaž lětosa w pśedsłowje se pišo. Luźe wšakorakich konfesijow, rozdźělnych kulturow a wšakeje póbóžnosći gronka cytaju a z nimi swój źeń zachopiju. Gronka mógu byś prědna kšaceń, bibliju we wšej šyrokosći a dłymokosći zeznaś. Wóni mógu słowa byś, kenž naměsće tyju, naźeju dawaju abo troštuju.
Bóže słowo na kuždy źeń 2021
2,50 €*
Bóže słowa na kuždy źeń 2021 su se južo 2. maja 2018 w Ochranowje wulosowali. Pótom je wobźěłaŕ z Ochranojskeje bratšojskeje wósady se góźecy wucbny tekst z Nowego testamenta kaž teke smužku z kjarliža abo módlitwu pśirědował. Gótowy manuskript w nimskej rěcy jo se rozesłał 55 pśestajarjam a pśestajaŕkam na cełem swěśe, kenž su swóju rěcnu wersiju za śišć pśigótowali. Tak móžo teke lětosa toś ten pśewódnik, kótaryž jo zestajił znowotki Hartmut S. Leipner, scasom swóju drogu do serbskich kśesćijańskich familijow namakaś.
Ze žohnowanjom na puć
19,90 €*
Hač kóždolětnje z wosadnymi do domjaceho Róžanta, jako skupina młodostnych do Krupki, na zhromadnych wulětach do Lichenja abo sami po puću do Santiaga de Compostela – Serbja běchu a su zawěrno putniski lud. Pohon so na puć nastajić je wšelaki: Wobdźěleni chcedźa z ludźimi samsneje wole zhromadnosć dožiwić, na hnadownych městnach wo swójske wustrowjenje abo te přiwuzneho prosyć, we wosobinskich tyšnosćach modlo so wućek pytać abo so za wopokazanu miłosć dźakować. Za předležacu knihu je Gerat Wornar z historiskich rozprawow čerpał, ale tež mnoho awtorow pohonjował, nowše wopisowanja podać a na cyle wosobinske wašnje na swójske putnikowanja k wurjadnym městnosćam Europy zhladowaćČitarjam zbliža so slědowace hnadownišća: Częstochowa, Fátima, Filipov, Flüeli-Ranft, Hejnice, Kevelaer, Krakow, Králíky, Krupka, Licheń, Loreto, Lourdes, Mariazell, Praha, Rom, Róžant, Ruska, Santiago de Compostela, Sunnivaleia, Svatý Hostýn, Swjaty kraj, Trzebnica, Velehrad, Vilémov, Wambierzyce, Wilno
»Knihu pak njetrjebaš hnydom wotprědka hač dozady přečitać, zo by wšitke putniske městna zeznał(a). To zawěrno njeje wotmysł. Přiwšěm móžu sej předstajić, zo hodźi so jako přihot na swójske planowane putnikowanje derje wužiwać. A jelizo sy so nawróćił(a) a chceš swoje dožiwjenja druhim sobu zdźělić, to sej rozprawy skerje wobhladaš a snano će potom zaso hrabnje. Kaž je za putnikowanje horjacy so měšnik raz rjekł: Pak putnikuješ přeco zaso pak ženje wjac.«
Lydija Maćijowa
Swjate pismo Stareho a Noweho zakonja
19,90 €*
»Njeje knihi, kotraž by hłubšo kulturu mnohich ludow wobliwowała hač biblija. Je spjata tež z wuwićom słowjanskeje a serbskeje kultury.« Tak pisa monsignore Měrćin Salowski w swojim předsłowje noweho wudaća Swjateho pisma. Mjez 1966 a 1976 bě Swjate pismo posledni raz wušło, a to w štyrjoch jednotliwych knihach a w tehdy najnowšim serbskim přełožku 15 duchownych, studentow teologije a rěčespytnikow. Na zakładźe tehdy ćišćanych knihow je so wot srjedź lěta 2005 wšón tekst dokładnje znowa čitał, přehladał a zwuporjedźał. Dźiwało je so při tym na přehladnosć a čitajomnosć teksta a na přirjadowanje přispomnjenjow pod nim. Mjeztym wušły nowy Prawopisny słownik hornjoserbskeje rěče je dał směrnicu za rěčne přehladanje.Přidatnje wuhotowało je so Swjate pismo z pisanymi wobrazami ze Swjateho kraja. Pod kolumnu »Přidawki« namakaja so nětko wuběr mjenow a zapřijećow, 12 kartow, měry, wahi a pjenjezy kaž tež zapis wšěch přełožowarjow.
Jan Pawoł II. a Serbja
9,90 €*
Kaž nichtó druhi před nim, tež žadyn politikar, je bamž Jan Pawoł II. Serbow a serbsku rěč mjezynarodnje powyšił. Katolscy Serbja budu stajnje z dźakownosću a česću na jeho pontifikat wot nazymy 1978 do nalěća 2005 spominać, předležaca wobrazowa kniha staja jemu wopomnjeće.
Kaž nichtó druhi před nim, tež žadyn politikar, je bamž Jan Pawoł II. Serbow a serbsku rěč mjezynarodnje powyšił. Katolscy Serbja budu stajnje z dźakownosću a česću na jeho pontifikat wot nazymy 1978 do nalěća 2005 spominać, předležaca wobrazowa kniha staja jemu wopomnjeće. W knize wopisuje so žiwjenje a skutkowanje bamža Jana Pawoła II. (1920 –2005), podawaja so rozpominanja z jeho pjera a rozprawy serbskich putnikow. K tekstam přirjaduje so přez 80, znatych a mjenje znatych fotow, kiž wučinjeja wobrazowy raz knihi.
Z TOBU po wšěch pućach
4,90 €*
Wotydźenja kóžde ranje słyšimy w Serbskim rozhłosu wosobinske mysle katolskich a ewangelskich Serbow z Budyšina a z wjeskow mjez Slepom a Cokowom, wot Němcow pola Wojerec hač do Žuric, a mjez Njebjelčicami a Lichanjom, a to nětko hižo wjele lět.Młodźi a starši awtorojo wotkrywaja hłuboki zmysł Božeho słowa za swój a naš wšědny dźeń.Msgr. Měrćin Salowski a Měrana Cušcyna staj z wulkeho pisaneho łónca w najwšelakorišich rukopisach podatych myslow wupytałoj a zestajałoj zběrku, kotraž chce čitarja přewodźeć po wšěch pućach a wšědnje na měrnu chwilu rozpominanja přeprošuje.
Ruce swojej stykuju
11,90 €*
Dźěći su čućiwe a spóznaja swójsku a nuzu blišeho. Potom je derje, hdyž móžeja so Bohu dowěrić. Swoje starosće a próstwy, ale tež wjeselo a dźakownosć do słowow skłasć, pak scyła tak lochko njeje. Knižka chce při tym pomoc być. Wona wobsahuje něhdźe 70 modlitwow za najwšelakoriše situacije: nimo rańšich a wječornych paćerjow a paćerjow za blidom su w njej tež modlitwy we wosebitych situacijach kaž w chorosći, při zwadźe atd. Zwjetša su to rymy, kiž dźěći bórze z hłowy znaja. Dalše w njewjazanej rěči je pohonjuja, swoje mysle swobodnje wuprajić. Modlenčka, kiž so w swójbach wotdawna dale dawaja, wotměnjeja so z nowšimi z pjera načasnych awtorow. Za 2. nakład bu wuběr z widom na potrjeby dźensnišeho časa łahodnje wobdźěłany.
Die katholische Oberlausitz/Z katolskich serbskich wosadow
12,90 €*
Von Radibor nach Nebelschütz und von
Ostro nach Wittichenau erstreckt sich die katholische Oberlausitz, die
vor etwa einhundert Jahren auch das Interesse von Postkartenverlagen
weckte. Neben zahlreichen Kirchen und öffentlichen Gebäuden, die dem
Adressaten der Postkarten einen repräsentativen Einblick bieten sollten,
wurden sorbische Bräuche der hiesigen Bevölkerung auf den einzelnen
Karten dargestellt.Frauen in Trachten, Osterreiter oder Gäste
einer sorbischen Hochzeit, sie alle spiegeln dabei die Lebensumstände
der katholischen Sorben der damaligen Zeit wider. Begleitet werden die
Bilder von erklärenden Texten Rafael Ledschbors, der die Gegebenheiten
und die wechselvolle Geschichte der einzelnen sorbischen Pfarreien
schildert. Norbert Rauer gibt einen Überblick über die Arbeitsweise der
damaligen Postkartenverlage und gewährt einen interessanten Einblick in
die Sammlertätigkeit.
Na přikład: Ty
12,90 €*
Što je modlitwa a kak so modlić? Předležaca kniha měri so wosebje na młodych ludźi. W njej je wjele přikładow, z kotrymiž chce wudawaćel Guido Erbrich dyrdomdej modlenja wolóžić. Stare a nowe, znate a njeznate modlitwy steja pódla tekstow z biblije a kěrlušow z wosadnika.Što je modlitwa a kak so modlić? Předležaca kniha měri so wosebje na młodych ludźi. W njej je wjele přikładow, z kotrymiž chce wudawaćel Guido Erbrich dyrdomdej modlenja wolóžić. Stare a nowe, znate a njeznate modlitwy steja pódla tekstow z biblije a kěrlušow z wosadnika. Nimo toho su w knize modlitwy wuznamnych ludźi z wšelakich časow, kiž spytachu z nimi na prašenja žiwjenja wotmołwić. Modlitwy Serbow Michała Nawki a Alojsa Andrickeho je Měrko Pohonč přidał. Nańdu so tež tajke z pjera Rogera Schutza, Anthonyja de Mello, Tomaša Akwinskeho, Ignacija z Loyole, Dietricha Bonhoeffera a Mahatma Gandhija. Kniha je z powědkami wobrubjena a bohaće z fotami wuhotowana.
Wodych duše
16,90 €*
Předležaca kniha chce k wosobinskej modlitwje přeprosyć. Nimo hłownych modlitwow a wšelakich bibliskich tekstow wobsahuje wona mjez druhim kěrluše a rozmyslowanja k wšědnemu dnjej a cyrkwinskemu lětu.Wšědna modlitwa słuša k žiwjenju mnohich katolskich a ewangelskich křesćanow. Přiwobroća so Bohu, zo bychu sej přewod wuprosyli, so za wšitke wopokazane dobroty dźakowali abo so rozmyslujo ze zjawami žiwjenja rozestajeli. Předležaca kniha, kotruž je Terezija Kubašec zestajiła, chce k wosobinskej modlitwje přeprosyć. Tematisce rjadowana a we wjetšim pismje je kniha wosebje za staršich ludźi a špatnje widźacych myslena. Ale runje ćeža špatneho widźenja móže k tomu dopomhać, zo čłowjek z Božej pomocu wjetšu cutliwosć duše wuwije.
Nimo hłownych modlitwow a wšelakich bibliskich tekstow wobsahuje wona kěrluše a rozmyslowanja k wšědnemu dnjej a cyrkwinskemu lětu. Jewja pak so tež temy kaž cyrkej a swět, chwała a dźak, dowěra a próstwa, přichad Knjeza a smjerć abo marijanske kěrluše. Tuž njech je zběrka za tych, kiž sej ju do rukow wozmu a w njej čitaja wokřewjenje a »Wodych duše«.
Bóže słowo na kuždy źeń 2023
2,50 €*
Gronka ochranojskeje bratšojskeje wósady pśewóźuju serbske kśesćijany pśez cełe lěto. Ekumeniska źěłowa kupka za cytanje biblije jo wubrała gronko lěta 2023 z prědnych knigłow Mojzasa. „Ty, Bog, wiźiš mě”, jo było wumóžujuce nazgónjenje słužabneje źowki na wuběgach někotare lěttysace pśed nami. Luźe tencas ako źinsa dožywiju take wokognuśa dłymokeje wěstosći, až su ceło wósobinski měnjone a Bog jich situaciju wiźi. To gronko jo dobry pśewóźowaŕ pśez nowy lětnik ochranojskich gronkow z Bóžym słowom na kuždy źeń.
Wšědne hesła 2023
2,50 €*
Hesła Ochranowskeje bratrowskeje wosady – to su wšědnje někotre krótke słowa z biblije – přewodźuja serbske křesćanske swójby přez lěto. Rozmołwa je stajnje potom dobra, hdyž so partnerojo woprawdźe za sebje zajimuja a so zrozumja. Mało słowow potom dosaha, jeli wone žiwjensku situaciju druheho spóznaja. Hesła, krótke słowa ze Stareho a Noweho zakonja, su tajki poskitk do rozmołwy. Bibliske słowa móža jara wosobinske być, kaž rozmołwa mjez Bohom a nami. Wone móža być žiwe zetkanje z Bohom, jeli w nich swoje žiwjenje spóznawamy, druhdy njejapcy dokładnje. Hesła na lěto 2023 tajke zetkanje znowa zmóžnja.
Bóže słowo na kuždy źeń 2024
2,50 €*
Gronka ochranojskeje bratšojskeje wósady pśewóźuju serbske kśesćijany pśez cełe lěto. Ekumeniska źěłowa kupka za cytanje Biblije jo wubrała za 2024 ako gronko lěta jadnu sadu z lista Pawoła na Korintarjow: „Daś se stanu wšykne waše wěcy w lubosći.“ Źo wó zakład našogo žywjenja: lubosć Boga. A wóna jo nam pódarjona. Jo ako pówětš, kótaryž dychamy a w kótaremž se gibjomy. Bogu źěk dychamy mimo togo, až pśecej se pśedewześ musymy. Ale tyjo, raz wob źeń se wuwědobniś, až jo dar. Tak jo to teke z gronkami. Wóni su kaž wědobne dłymoke zadychanje, kenž nam groni: Ty sy wót Boga lubowany, z kóžu a kósmu, ze zamóžnosćami a słabosćami. A teke groni: Móžoš tu lubosć kuždy źeń dalej dawaś. Wjele gronkow jo take zlubjenje a nas skoboźi.
Alojs Andricki – wobraz žiwjenja
7,95 €*
Štó bě Alojs Andricki? Kak je wón žiwy był? Što wuznamjeni jeho wěru?W tutej knize rysuje so žiwjenje serbskeho duchowneho a kapłana při Drježdźanskej Dwórskej cyrkwi, kiž zemrě w koncentraciskim lěhwje w Dachauwje. Z wjele fotami, wosobinskimi dopomnjenkami časowych swědkow a wuběrom listow studenta, młodeho kapłana a jateho předstaji so na čućiwe wašnje prěni zbóžnoprajeny Drježdźansko-Mišnjanskeho biskopstwa po pjećstow lětach.Tež we wokomikach najwjetšeje wosamoćenosće nazhoni Alojs Andricki móc Božeho słowa. Na njeho zhladujo móhli so tež my słowu njebjeskeho Wótca znowa a hłubšo zbližić.
YOUCAT
16,95 €*
Kak móže so dźěćom wot 8 do 12 lět katolska wěra tak rozkłasć, zo wone to zrozumja? To njeje lochko, wšako tež dorosćeni na někotrežkuli prašenje dospołnu wotmołwu njeznaja. YOUCAT za dźěći móže cyłej swójbje z pomocu być. W formje prašenje-wotmołwa informuje tale kniha wo bytostnych wobłukach katolskeje wěry: wo pochadźe swěta a wšeho, štož eksistuje, wo wobsahu wěrywuznaća, wo swjatych sakramentach, wo dźesać Božich kaznjach, wo modlenju. Móžemy Boha spóznać? Eksistuje za nas žiwjenje po smjerći? Što su sakramenty? Čehodla chodźa křesćenjo njedźelu kemši? Kak móžu z Bohom rěčeć? Cyłkownje 159 prašenjow a wotmołwow skići impuls za rozmołwu wo žiwjenskim fundamenće katolskeho křesćana.wot 8 lět
Wšědne hesła 2024
2,50 €*
Hesła Ochranowskeje bratrowskeje wosady – to su wšědnje někotre krótke słowa z biblije – přewodźuja serbske křesćanske swójby přez lěto.
Za lěto 2024 je Ekumeniske zjednoćenstwo za čitanje biblije sadu „Wšitko, štož činiće, njech so stanje z lubosću“ z lista na Korintiskich jako lětne hesło wuzwoliło. Japoštoł Pawoł skedźbni čitarja na kóncu swojeho lista hišće raz na tutu najwažnišu próstwu. Je to naročne słowo. Móhło kóždy dźeń lěta jako hesło stać, wšako wšědnych wužadanjach nichtó nuzu nima. Zešiwk předleži jako zhromadne wudaće ze Serbskim ewangelskim towarstwom
Youcat
12,90 €*
Pod patronatstwom Wienskeho kardinala Christopha Schönborna a w zhromadnym dźěle z młodostnymi nasta z wulkeho „Katechizma katolskeje cyrkwje” čerstwa a moderna čitanka wo wěrje, YOUCAT mjenowana. Mjeztym předleži we wjac hač 20 rěčach a bě centralny element na swětowym zetkanju młodźiny w Madridźe.Pod patronatstwom Wienskeho kardinala Christopha Schönborna a w zhromadnym dźěle z młodostnymi nasta z wulkeho „Katechizma katolskeje cyrkwje” čerstwa a moderna čitanka wo wěrje, YOUCAT mjenowana. Mjeztym předleži we wjac hač 20 rěčach a bě centralny element na swětowym zetkanju młodźiny w Madridźe. W swojim předsłowje wobroći so bamž Benedikt XVI. na młodych wěriwych po wšěm swěće a jich namołwja: „Studujće katechizm! To je moje wutrobne přeće. Studujće katechizm pilnje a wutrajnje! Dyrbiće we wěrje hišće hłubšo zakorjenjeni być hač generacija wašich staršich.“ W formje prašenje-wotmołwa natwarjena je kniha rjany dar młodostnym runje tak kaž staršim zajimcam k wšelakim přiležnosćam, na kóždy pad pak hodźi so wurjadnje k firmowanju.
Něnter comy Boga chwalić • Schleifer Gesangbuch
15,00 €*
Das vorliegende Kirchenliederbuch "Něnter comy Boga chwalić" vereint bekannte und für das Kirchspiel Schleife bedeutende Choräle im Zyklus des Kirchenjahres und macht dabei den engen Bezug zu den christlichen Bräuchen und Traditionen deutlich. So enthält das Liederbuch eine umfangreiche Auswahl von Kirchenliedern, die nachweislich in der Osternacht gesungen wurden. Ergänzt wurde das Gesangbuch durch einige noch nicht veröffentlichte Volkslieder. Eine Besonderheit des Gesangbuches ist, dass alle Liedtexte voll ausnotiert wurden. Das vorliegende Gesangbuch beinhaltet 50 kirchliche Choräle, 5 Volkslieder und 12 Gebete und Psalmen.
Wšědne hesła Ochranowskeje bratrowskeje wosady na lěto 2022
2,50 €*
Hesła Ochranowskeje bratrowskeje wosady – to su wšědnje někotre krótke słowa z biblije – zwjazuja křesćanow na cyłym swěće a witaja jich w energijowym polu Božeje lubosće, kaž lětsa w předsłowje rěka. Ludźo wšelakorych konfesijow, rozdźělnych kulturow a wšelakeje pobožnosće hesła čitaja a z nimi swój dźeń započnu. Hesła móža prěnja kročel być, Swjate pismo we wšej šěrokosći a hłubokosći zeznać. Wone móža słowa być, kiž hnydom derje činja, nadźiju dawaja abo wosobinsce troštuja.
Čej’ da sy?
24,90 €*
Čej’ da sy? Tute prašenje je mnohim z nas znate. Wotmołwa přeradźi identitu, přisłušnosć, swójbny pochad a snadź samo hišće wjace. Kóždy wšak so tu na někajke wašnje znaje. Što pak je kónčinu sformowało? Što wobydlerjo mysla a začuwaja? A kotru rólu hrajetej serbska rěč a wěra dźensa w tutym modernym swěće?