Serbske pomniki
„Přewodnik po serbskich wopomnišćach“ je přiručka kóždemu, kiž so za serbske stawizny zajimuje a po puću na tón abo tamny pomnik abo pomjatnu taflu storči, wo kotrymž by rady wjace zhonił. Tež za slědźerjow, chronistow a w šulskej wučbje je předležaca kniha wažny kompendij.
Tradicija postajenja pomnikow a připrawjenja pomjatnych taflow za zasłužbne wosobiny a jich skutkowanje na dobro Serbow abo jako spominanje na wuznamne podawki w serbskich stawiznach saha wróćo do 19. lětstotka. W lěće 1867 postaji so prěni pomnik, a to za Jana Michała Budarja w Budestecach. Hač do dźensnišeho slědowaše wjace hač 200 wopomnišćow – w Hornjej a Delnjej Łužicy, ale tež za jeje mjezami a zwonka Němskeje.
Za předležacy přewodnik, nawjazowacy na knihu „Serbske pomniki“ Jurja Młynka z lěta 1965, je Trudla Malinkowa tójšto zajimaweho kołowokoło tutych pomnikow, taflow a bustow zezběrała. Wona wěnuje so stawiznam a wuhotowanju kóždeho wopomnišća, předstaji skrótka počesćenu wosobu abo poda informacije k podawkej, na kotrež wopomnišćo dopomina. Nimo toho naspomni dalše serbske wosebitosće w bliskej wokolinje. Mnoho wobrazow skulojća informatiwnu publikaciju.
| Sprache | Obersorbisch |
|---|---|
| ISBN | 978-3-7420-2430-5 |
| Seitenzahl | 218 |
| Einband | mnoho wobrazow, 2 karće, kruta wjazba |
| Bibliographie | 1. nakl. 2019, 218 s., mnoho wobrazow, 2 karće, kruta wjazba |
| Veröffentlicht: | 10.05.2019 |
Anmelden