Wodnjo dycham dypki
Tak mjenuje Měrana Cušcyna swoju druhu zběrku, dypki jako podawki, wokomiki, stejišćo, mězniki, blečk abo špak. Awtorka pyta to njewšědne we wšědnym. Dožiwjenja zašłych lět, dopomnjenki z dźěćatstwa, tworjace wuměłstwo, serbske literarne herbstwo měšeja so do jeje refleksijow. Měrana Cušcyna drasći je do wšelakorych formow, wot modernych hač do balady a w serbskej lyrice dotal njeznateho haiku, z Japanskeje pochadźaceho a přeco znowa fascinowaceho. Dypki sadźeja překwapjace akcenty.
Basnje a krótkoproza Měrany Cušcyneje wužaduja a wabja do zamyslenja.
Bjezdwěla je Měrana Cušcyna w swojej zběrce cyle swójsku poetisku tonaciju dosćahnyła. Čitar tu ani dobrodušne rynčkowanje ani afektowane poetizowanje njenadeńdźe, ale derje wudźěłanu lyriku, z kotrejž je so awtorka w rjedźe wažnych načasnych serbskich basnikow a basnikarjow doskónčnje a zdypkom zadomowiła. Dalše dypki poetiskeho dnjoweho porjada rady wočakujemy.
Christian Prunič
| Sprache | Obersorbisch |
|---|---|
| ISBN | 978-3-7420-2001-7 |
| Bibliographie | 2005 100 s., 6 wobrazow, brošura ze škitnej wobalku |
| Veröffentlicht: | 30.06.2005 |
Anmelden