Wuzwol sej swoje powołanje
Kotre powołanje chceš nawuknyć? Što pozdźišo raz budźeš? – Prašenja kaž tutej dźěći hižo wot mała słyša. Dohlad do bohatosće powołanjow skića předležaca kniha, w kotrejž je wjac hač 300 wšelakich powołanjow mjenowanych a zwobraznjenych. Něhdźe połojca so w krótkich tekstach bliže wopisuje. Wot 6 lět
Wudaće je do 17 wobsahowych cyłkow rjadowane, to su na přikład dwórnišćo, wulětna łódź, chorownja abo filmowe studijo. Dźěći wot 6 lět zeznajomja so z woblubowanymi powołanjemi kaž tym pilota, chorobneje sotry abo wohnjoweho wobornika runje tak kaž z mjenje znatymi kaž archiwar, skriptka abo kulisowy technikar. Na nazornych dwustronskich ilustracijach chowaja so přewšo zajimawe detaile, tež někotružkuli žortnu situaciju je ilustrator Milan Starý z wuměłskej ručku zapopadnył.
| Sprache | Obersorbisch |
|---|---|
| ISBN | 978-3-7420-2367-4 |
| Seitenzahl | 72 |
| Einband | barb. il., kruta wjazba |
| Autoren | Sanža, Silvie |
| Bibliographie | 1. nakł. 2016, 72 s., barb. il., kruta wjazba |
| Veröffentlicht: | 29.06.2016 |
Anmelden