Za šulerjow 6. lětnika gymnazijow w Sakskej je wušła k nowemu šulskemu lětu nowa serbska wučbnica biologije „Biosfera 6“. Je to licencne wudaće nakładnistwa Cornelsen. Wona naslěduje lońšu prěničku w tutym rjedźe. W njej wobjednawaja so mj. dr. symjeńcy, bjezrjapniki a rostlinske a zwěrjeće bańki. W kóždym kapitlu su podate nawody za metodiske dźěło. Jednotliwe dźěłowe kročele k metodam su nazornje w grafikach, fotach a rysowankach předstajene a wopisowane. Wučbnica kónči so z registrom z najwažnišimi mjenami zwěrjatow a rostlinow a wobjednawanymi fachowymi zapřijećemi w serbskej a němskej rěči.

Moderna šulerska WUČBNICA BIOLOGIJE zwjazuje wubranu fachowu wědu z načasnej wučbu. Wučbnica je fachowosystematisce natwarjena, jasnje strukturowana a na wobłuki wšědneho dnja wusměrjena. Koncepcija bu wobsaham a didaktiskim namjetam w nowym wučbnym planje za wyše šule swědomiće přiměrjena, tak zo fachowu wučbu w předmjeće biologija zaruča a ju zaměrnje podpěruje.

Wušła je nowa serbska wučbnica biologije za šulerjow šestych lětnikow wyšich šulow w Sakskej. Wučerjej Rejza Šěnowa a Konrad Lipič staj němsku wučbnicu nakładnistwa Cornelsen wěcywustojnje do serbšćiny přełožiłoj a při tym ze swojich wjelelětnych nazhonjenjow z fachoweje wučby biologije čerpałoj. Biologija 6 je bohaće ilustrowana a z mnohimi nawodami na praktiske wuspytanje a zwučowanje wusměrjena. Přidaty je tež němsko-serbski a serbsko-němski słowničk.

K nowemu šulskemu lětu je wušła nowa serbska wučbnica biologije “Biosfera 5” za šulerjow 5. lětnikow gymnazijow w Sakskej. Je to licencne wudaće nakładnistwa Cornelsen a serbska prěnička w tutym rjedźe. “Biosfera 5” wabi do zaběry z maćiznu a šulerjo změja zawěsće wjele wjesela při nałožowanju dźěłowych metodow. Wučerjej Rejza Šěnowa a Konrad Lipič staj wučbnicu wěcywustojnje do serbšćiny přełožiłoj a při tym ze swojich wjelelětnych nazhonjenjow z fachoweje wučby biologije čerpałoj. Zum neuen Schuljahr ist das neue sorbische Biologie-Lehrbuch “Biosphäre 5 ” für Schüler der 5. Klassen an Gymnasien in Sachsen erschienen. Es ist eine Lizenzausgabe des Cornelsen-Verlags und das sorbische Erstlingswerk in dieser Reihe. Die beiden Lehrer Rejza Šěnowa und Konrad Lipič haben das deutschsprachige Lehrbuch fachkundig ins Sorbische übersetzt und dabei aus ihren langjährigen Erfahrungen aus dem Fachunterricht der Biologie geschöpft.