Zdypkom k nowemu šulskemu lětu 2019/2020 je wušła nowa serbska wučbnica „Stawizny a podawki 3“. Wučbnica stawiznow je za šulerjow 7. lětnika Serbskeho gymnazija w Budyšinje. Je to přełožk licencneho wudaća nakładnistwa Klett.
Rěčny centrum WITAJ zahaji z nowym šulskim lětom 2018/2019 wudaće licency rjadu „Pućowanje po stawiznach” nakładnistwa Klett. Hladajo na potrjebu we wyšich šulach rozsudźichmy so zhromadnje z fachowymi wučerjemi za stawizny, wudaće ze šestym a z tym zakónčacym dźělom rjadu – wučbnicu za 10. lětnik – zahajić.
Tu předleži z pjatym dźělom wučbnica za 9. lětnik.
Předležaca kniha je wučbnica stawiznow za šulerjow 6. lětnika Budyskeho serbskeho gymnazija. 180 stronow wopřijaca fachowa kniha wabi zawěsće do blišeje zaběry ze stawiznami. Wona je z wjele historiskimi tekstowymi žórłami, ilustracijemi a topografiskimi kartami wuhotowana a barbojće ilustrowana. Wažne zapřijeća su na kromje jednotliwych stronow hišće raz podate a skrótka wujasnjene. Z tym je wučbnica přehladnje strukturowana. Fachowy přełožk na starosći měješe wučerka na wuměnku Sonja Krječmarjowa.
Rěčny centrum WITAJ zahaji z nowym šulskim lětom 2018/2019 wudaće licency rjadu „Pućowanje po stawiznach” nakładnistwa Klett. Hladajo na potrjebu we wyšich šulach rozsudźichmy so zhromadnje z fachowymi wučerjemi za stawizny, wudaće ze šestym a z tym zakónčacym dźělom rjadu – wučbnicu za 10. lětnik – zahajić. Pokročujo klětu z pjatym dźělom (9. lětnik) kóžde lěto dalši dźěl rjadu wuńdźe. Z „Pućowanjom po stawiznach” da so wučerjam a šulerjam moderna wučbnica do ruki, kotraž lubi žiwu a zdobom historisce fundowanu wučbu stawiznow.
K nowemu šulskemu lětu 2018/2019 předleži wobdźěłany nakład stawizniskeje wučbnicy Serbske stawizny 1 za šulerjow wot 5. do 7. lětnika. Priwatny docent a wučer Instituta za sorabistiku na Lipšćanskej uniwersiće dr. Timo Meškank je dźesać nowych wotrězkow, to su na přikład Hdźe nadeńdźemy hrodźišćo Gana?, Postupne přesadźenje reformacije we Łužicy, Kulow – srjedźišćo katolskeho Serbstwa abo Změna struktury ludnosće w Delnjej Łužicy do dotalneje wučbnicy z lěta 2009 zadźěłał, dalši wotrězk wudospołnił kaž tež wěcowne zmylki skorigował. Po zasadach načasneho stawiznopisa njerysuje so hižo jednostronski wobraz wo wuklukowanym Serbje a potłóčowacym knježku, ale w fokusu steja prócowanja Serbow wo skrućenje narodneje a nabožneje identity. Wospjet je grafikarka Iris Brankačkowa wěcywustojnje wučbnicu wuhotowała a so tež při pytanju za wotpowědnym a zajimawym wobrazowym materialom angažowała.
Prěnja stawizniska wučbnica Stawizny a podawki wjedźe šulerja 5. lětnika Serbskeho gymnazija hłuboko do zašłosće. W tutej wučbnicy namaka šuler
- wubrane fakty a informacije wo zažnej dobje wuwića čłowjeka, wo Egyptowskej a Grjekskej
- mnoho tekstow, wobrazow a zwobraznjenjow wo gratach resp. nastrojach, kiž pokazuja na to, kajke žiwjenje něhdy bě,
- městnosće z wokoliny, kiž na slědźersku ekskursiju do zašłośce přeprošuja,
- wjele pokiwow a namjetow, kak so k historiskim dokumentam, rysowankam a wurywankam prawe prašenja staja, zo by wotmołwa wunošna była.
Z Buchnerowym kolegom stawizny wuknyć a dźěłaćBuchnerowy koleg stawizny je zdobom wučbnica a dźěłowa kniha. Wón wopřija na jednym boku materialije za wučbu a hodźi so na tamnym boku za samostatne wospjetowanje wučbneje maćizny a za systematiski přihot na maturu.
Wušła je nowa serbska stawizniska wučbnica w rjedźe „Stawizny a podawki 6” za šulerjow 10-tych lětnikow za Serbski gymnazij Budyšin.
Nowa wučbnica wobsahuje materialije k změnam po skónčenju Druheje swětoweje wójny 1945: podołhostny přerěz k poćaham mjez woběmaj přećiwnymaj „supermocomaj” USA a ZSSR, kapitl k wuwiću Němskeje po 1945 a kapitl, kotryž wobjednawa hromadźe zrosćenje Europy po 1990. W njej je kopica tekstowych a wobrazowych žórłow kaž tež předmjetow, kotrež su nazorne dokumenty tehdyšeho žiwjenja, a wjele pokiwow a nawodow, kak móža šulerjo stawizniske wobswědčenja a dokumenty přepytować a wuhódnoćić.
Tohorunja za stawiznisce zajimowanych kupcow.
Za hornjoserbsku wučbu stawiznow w Sakskej je wušła nowa wučbnica. Wona je za šulerjow 9. lětnika Serbskeho gymnazija w Budyšinje a zdobom dalša wučbnica w rjedźe nakładnistwa Klett. Wučbnica wobjednawa dobu Weimarskeje republiki, nacionalsocializm a Druhu swětowu wójnu. Kaž dotalne wučbnicy tutoho rjadu wobsahuje wona wjele tekstowych a wobrazowych žórłow kaž tež topografiskich kartow a grafikow. Tež pokiwy a nawody, kak hodźa so stawizniske wobswědčenja a dokumenty w samostatnym dźěle wuhódnoćić, šulerjo a šulerki w njej namakaja. 184 stron wopřijaca kniha je bohaće barbnje ilustrowana a wabi do wuknjenja. Naročny přełožk do serbšćiny zhotowiłoj stej Sonja Krječmarjowa a Wórša Šołćina. Klětu so tutón wučbnicowy rjad z wučbnicu za šulerjow 10. lětnika gymnazija zakónči.
Za stawiznisku wučbu we wyšej šuli předleži nětko za 6. lětnik koncipowana wučbnica “Pućowanje po stawiznach 2”. Z njej wjedźe so wudaće serbskorěčneje licency rjadu “Zeitreise” nakładnistwa Klett dale. Znowa stej Rejza Šěnowa a Lubina Hajduk-Veljkovićowa wučbnicu swědomiće přełožiłoj.
753 do Chr. – 1500
Dźi swój puć přez stawizny – a přez "Pućowanje po stawiznach"!
Za stawiznisku wučbu we wyšej šuli předleži nětko za 7. lětnik koncipowana wučbnica “Pućowanje po stawiznach 3”. Z njej wjedźe so wudaće serbskorěčneje licency rjadu “Zeitreise” nakładnistwa Klett dale. Znowa stej Rejza Šěnowa a Lubina Hajduk-Veljkovićowa wučbnicu swědomiće přełožiłoj.
