My na AGRA
Sydomasydomdźesat sedmištučkow-anagramow je Róža Domašcyna w předležacej zběrce zhromadźiła. Što su anagramy? Literarny leksikon pisa tole: »Přestajenje pismikow słowa abo sady k druhemu zmysłapołnemu słowu abo druhej sadźe, druhdy z małymi změnami. Wosebity anagram je palindrom, čitanje wotzady.«
Štó drje njeje jako dźěćo swoje mjeno wotzady čitał? Róža Domašcyna bliži so słowam, mjenam a spěwam, swójskim sadam a cuzym basnjam bjez respekta, nječita je jenož wotzady, ale střase pismiki, twori nowe słowa a sady, kotrychž zmysł njemóžeš wšak tak bjeze wšeho z rozumom zapřimnyć. Wjele bóle njech da čitar twórbu intuitiwnje na sebje skutkować, njech dopušći runje tak kaž awtorka swójske asociacije, njech so bliži sej hrajkajo serbskej rěči, kotraž takle dopokazuje, zo je žiwa.
| Sprache | Obersorbisch |
|---|---|
| ISBN | 978-3-7420-1969-1 |
| Bibliographie | 2004 84 s., ilustracije, brošura ze škitnej wobalku |
| Veröffentlicht: | 30.06.2004 |
Anmelden