Dolnoserbska romantika - Serbska poezija 60
wudał Kito Lorenc, zestajał. Fryco Libo
„Wuběrk basnjow markěrujo cas romantizěrowanja w dolnoserbskej poeziji,
cas serbskich pěsnjarjow. Zapśimjejo se někak casowy wobcerk wót lěta
1867 (nastaśe basni wót M. Lejnika) až do 1934 (wudaśe „Wěnašk
błośańskich kwětkow“ wót M. Witkojc). Tak gódnośi zestajaŕ Fryco Libo w
swójom teksće. W zběrce su basni 21 awtorow a awtorkow, mjaz nimi wót
Pawoła Broniša, Kita Dabowa, Lize a Marjany Domaškojc, Mjertyna Grysa a
Mjertyna Rochy. Wóni wobspiwaju domacnu pśirodu a rědnosć dolnołužyskeje
krajiny, starosćece pak se teke wó serbski kraj a maśernu rěc, kaž to
wucytajomy z M. Rochoweje basni „Ten serbski kraj“ abo z Warkoweje basni
„Serbska maś a jeje synk“. Jeju zacuśa a mysli su nam źinsajšnym kradu
bliske.
| Thema: | Serbska poezija |
|---|---|
| Sprache | Załožba za serbski lud |
| ISBN | 978-3-7420-2268-4 |
| Bibliographie | 1. nakł. 64 b., brošura ze šćitneju wobalku |
Anmelden